!א טרערעלע רינט אויפן פרישן קבר פון ר' יוסף וואס האט אונז דעם פארגאנגעם וואך פארלאזט

!עס וויינט און קלאגט די צובראכענע אלמנה און פרעגט: פארוואס האסטו מיר פארלאזט

!עס שרייען די קינדער פון טיפעניש פון הארץ: טאטי, וואו ביזטו? ווער וועט זיך פאר אונז יעצט זארגן אז דו האסט אונז פארלאזט

!עס קלאגן די ידידים: ווער וועט אונז מחזק זיין אין אונזערע שווערע מצבים אז ר' יוסף האט אונז פארלאזט!

?עס טרויערן די צובראכענע נפשות: ווער וועט אונז געבן דעם שמייכעל דעם גלעט אז ר' יוסף האט דעם וועלט פארלאזט

די אויגן זענען נאך פארוויינט, יעדער איז צעבראכן און ערשיטערט פון דער שרעקליכער טראגעדיע מיט די פריצייטיגע פטירה פון "אחד מבני החבורה", דער טייערער אינגערמאן ר' יוסף ווערצבערגער ז"ל, וואס איז אוועקגעריסן געווארן אין זיינע בליענדע יארן זייענדיג בלויז 50 יאר אלט, איבערלאזנדיג א צובראכענע אלמנה, און זעקס קליינע טייערע שעפעלעך

!זעקס יתומימ'לעך וואס זאגן יתגדל ויתקדש שמי' רבא

.זעקס יתומימ'לעך וואס וועלן מער דעם טאטנ'ס ליבליך שמייכל קיינמאל נישט זעהן

.זעקס יתומימ'לעך וואס ציטערן פאר'ן עתיד, נישט וויסענדיג וואס דער מארגענדיגער טאג וועט ברענגען

און אין די איצטיגע צייט
."ווען די הערצער זענען אזוי פארקלעמט און פארטרויערט, האבן די חשוב'ע רבנים, חברי וועד העסקנים, באשלאסן אז "לא עת לחשות", יעצט איז די פאסיגסטע צייט צו טוען "למעשה

מען שטייט דא ביי א מצב ווען אזא חשוב'ע משפחה איז געבליבן בלי משען ומשענה, אָן קיין ברויט אין שטוב במלוא מובן המלה. ווער רעדט נאך פון פרנסה בהרחבה, און אוודאי אוודאי איז נישטא קיין מקור אויף צום קלערן פון חתונה מאכן קינדער, וואס אט אט האלט מען שוין דארט

דערפאר האבן זיך צוזאמענגענומען א קבוצה פון אנשים חשובים, עסקנים יקרים, ובראשם פון רבנים הגאוה"צ שליט"א מנהיגי ישראל , ועל צבאם הגאון רבי בנימין ברייער שליט"א - רב דקהל נחלת עזריאל יודא וויען, הגאון רבי יואל וואזנער שליט"א, הגאון רבי חיים מאיר האלבערשטאם - בן כ"ק אדמו"ר מ'צאנז שליט"א און הגאון רבי שמואל דוד פריעדמאן - מח"ס שדה צופים, די חשוב'ע רבנים האבן שוקל געווען אז דאס ריכטיגע שריט יעצט צו טוען - כדי צו שטעלן די משפחה אויף די פיס - איז צו גרינדן א שטאנדהאפטיגער "קרן יתומים" און צו שאפן די פאנטאסטישע סומע פון א מיליאן דאללער, כדי אז די משפחה זאל זיך קענען צוזאמענקלויבן, און אז די חשוב'ע אלמנה זאל ווייטער קענען מחנך זיין די קינדער לתורה ויראת שמים חסידות ומדות טובות, במסורת האבות, וברוח ישראל סבא, לויט ווי עס איז געווען דער רצון פון דעם חשוב'ען פאטער, האברך היקר איש תמים במעשיו, ירא אלקים מנעוריו, שמו הטוב הולך לפניו, יהא זכרו ברוך

!מיר וועלן זיי נישט פארלאזן